Müasir marketinqdə 3 D-nin əhəmiyyəti

Günümüzün marketinq dünyasında rəqabəti ciddi üstünlüklə qazanmaq üçün effektiv üsul və alətlərdən istifadə etmək önəmlidir. 3D animasiya məhz bu səylərin ön sıralarında yer alır. Müştərilərin cəlb edilməsi, paylaşma qabiliyyətinin artırılması və nəticədə marketinq sərmayənizdən daha yüksək gəlir əldə etmək baxımından ənənəvi 2D qrafika və video formatlarından daha üstündür.
Forbes jurnalında qeyd olunan araşdırma nəticələri də 3D-nin brendlər üçün 40% daha artıq uğur gətirdiyini göstərir. Bu səbəbdən, bir çox markanın 3D reklamdan istifadə etməsi istehlakçılarla məhsul arasında qarşılıqlı əlaqə qurma, bununla da, ona maraq və satın alma ehtimalını artırmaq məqsədi güdür. Belə interaktiv reklamlara ən yaxşı nümunələrdən biri kimi Cənubi koreyada hazırlanan "Porsche Live Sketchbook" adlı 3D reklamı göstərmək olar. (BU REKLAMİ HİPERLİNK KİMİ QOY) Bu layihədə "Porsche Live Sketchbook" müştərilərə öz avtomobillərini seçmək və onu öz zövqünə uyğunlaşdırmaq imkanı verir. Bundan sonra, 3D animasiya fərdiləşdirilmiş avtomobili müştərilər üçün qısa yarış görüntülərində göstərir. Müştərilər, həmçinin öz dizayn etdikləri avtomobillərin şəkillərini sosial mediada paylaşa bilərlər.  

3D marketinqin effektivliyi üçün əsas göstəriciləri belə ümumiləşdirə bilərik:
‍
- qənaətcildir,
- 3D vizuallaşdırma ilə ən kiçik detalları dərhal redaktə etmək asanlaşır,
- istənilən məhsul və ya ideyanın hiper-real təsvirini yaratmaq mümkündür,
- ən son marketinq tendensiyaları ilə ayaqlaşmaq imkanı yaradır,
- marketinq və istehsalı ayırmağa imkan verir,
- təkcə məhsulu deyil, təcrübəni də satmaq deməkdir,
- 3D animasiya iləəhval-ruhiyyə, atmosfer, emosiyalar yaratmaq asandır,
- 3D modelləri istənilən reklam formasına uyğunlaşdırmaq olar.

‍