Rebrendinq nədir və nə zaman edilməlidir?
Rebrendinq bir şirkətin və ya məhsulun qavranılma şəklini yenidən formalaşdırmaq prosesidir. Rebrendinq brendin adından və sloganından tutmuş, loqosuna, veb-saytına və marketinq təminatına qədər hər şeyin yenidən yaradılmasını əhatə edə bilər. İllər artdıqca güclənən bazar rəqabəti və tendensiyalar ən aktual brendlərin belə rebrendinqə müraciət etməsini labüdləşdirir.
Bu proses necə gedir?
Ən effektiv rebrendinqlər cari brend qavrayışlarını araşdırmaqdan başlayır. Tədqiqat mərhələsindən əldə edilən məlumatlar əsasında brendin strategiyası və ya markanın mövqeləndirilməsi mərhələsi formalaşır. Bu mərhələdən sonra brendin vizuallaşdırılması nəzərdən keçriilir və araşdırma aparılır. Bu isə loqonu, rəngləri, tipoqrafiya və fotoqrafiyanı, sloqanları, təqlaynları əhatə edir. Rebrendinq son mərhələdə vebsaytın yenidən dizaynı və/yaxud marketinq təminatı ilə başa çatır və dünyaya təqdim olunur.
Rebrendinqi nə üçün deyil, nə zaman etmək önəmli məsələdir! Markanızın rebrendinqə ehtiyac duyduğunu bu əlamətlərdən hiss edə bilərsiniz:
* İllər əvvəl aktual görünən adınız artıq sizi tam olaraq təmsil etmirsə,
* Digər brendlərlə çox oxşarlıqlarınız və eynilikləriniz varsa,
* Brendinizin mürəkkəbliyi daha çox diqqəti cəlb edirsə,
* Biznes modeliniz və ya strategiyanız dəyişirsə,
* Başqa bir brendə birləşmə və ya satınalma baş verərsə,
* Brendinizin coğrafiyası dəyişərsə,
* Brendinizin imici neqativ asossasiya yaradırsa,
* Məhsul və xidmətinizin satış qiymətlərini artırmaq düşünürsünüzsə,
* Yeni və müasir auditoriyaların istək və tələbləri ilə ayaqlaşmaq üçün,
* Təkcə müştərilərin deyil, namizəd işçilərin də diqqətini cəlb etmək üçün və s.
Unutmayın ki, şirkətiniz böyüdükcə və rəqabət mənzərəsi dəyişdikcə brendinizi təkmilləşdirməyə hazır olmalısınız. Rebrendinqdən unikal dəyər təklifinizi gücləndirmək və yeni müştəri seqmentləri ilə əlaqə yaratmaq fürsəti kimi istifadə edin.
Uğurlu rebrendinq biznesinizə yeni nəfəs verə və gələcək inkişaf üçün zəmin yarada bilər
